Mediat Belge: Turqia futet në gare për ta marrë Januzajn ne Kombëtare!
Asport – Nuk është vetëm Shqipëria dhe Belgjika që kërkojnë ta angazhojnë në Kombëtaret e tyre talentin 18 vjeçar të Manchester United, Adnan Januzaj. Orët e fundit në garë ka hyrë edhe Turqia, po po Turqia.
Sipas mediave belge lojtari ka edhe shtetësi turke dhe federata turke e futbollit ka nisur të mendoj ta afroj talentin shqiptar të lindur në Belgjikë.
Portali belg nieuwsblad.be shkruan se Shqipëria dhe Belgjika janë vendet që po e kërkojnë me ngulm Januzajn, për të cilin janë hapur edhe fanpage në facebook.
Të ngazëllyer me këtë fakt duket se janë edhe turqit, gazeta “Milliyet” shkruan se Januzaj mund të përfundoj te Turqia.
Vet familja e Januzajt ka sqaruar ditë më parë se nuk i ka rekomandur te birit të tij Shqipërinë dhe as nuk e ka ndërmend tani për tani të zgjedh të luaj edhe për ndonjë kombëtare, pasi dëshiron që Januzaj të zërë vend në formacion me Manchesterin.
